sa die de sa limba sarda in Thathari.

SA UNIVERSIDADE DE THATHARI PRO UNA DIE AT FAEDDADU IN SARDU.
Grassias a sos zovanos istudentes  de sa zittade.




Thathari, su vintitres de Santu Gaine, duamizas e undighi.

S'interventu de Diegu Corraine de Papiros.

Sa prima "die de sa limba sarda" de sos istudentes de Thathari.


S'est tenta derisi in s'Aula Magna de s'Universidade de Thathari s'abboju "sa die de sa limba sarda".
Dapoi de su saludu de su rettore de s'Universidade ana faeddadu mastros e praticantes de sa limba in sas iscolas e in sas universidades.


Nois fiamus impignados in iscola e no amus potidu partezipare a totu sos tribaglios.


Amus intesu s'interventu de Diegu Corraine, iscrittore, pubblicista, editore (Papiros)  de s'Ufitziu de sa limba de Nugoro, de s'autore de su Ditzionariu de sa limba e de sa cultura sarda, Mario Puddu, chi at faeddadu de "limba de s normalidade" in su sensu chi dogni sardu diat dever sentire sa limba sua comente limba mama e no limba de sa irgonza; est intervennidu su professor Castellaccio cun d'unu acculziu de istoricu, e Nigola Cantalupo, coordinatore limbisticu de sa provincia de Ogliastra.


Sun puru intervennidos sois istudentes de s'universidade de Thathari chi an ammanizadu custu aggradibile eventu.


Nois amus collidu s'occasione pro presentare sa rivista on line a unu pubblicu unu paghizeddu pius mannu de sos battor amantiosos e affettuosos lettores.


Su giudisciu nostru subra 'e cust'abboju est positivu meda ca sa pius parte sun intervennidos in su sardu chi faeddan issos e sa discussione est istada chieta e positiva. 


Sos istudentes an puru preparadu unu documentu subra a sa limba chi no amus potidu aere ma chi amus a pubblicare appenas chi nde amus copia.

Sa sede zentrale de s' Universidade de Thathari.

Sa cosa pius bella est chi zovanos universiatrios si moven a dimandare sa limba in s'universidade e custu est sinnu chi su ritardu est mannu a paragone de sas nezessidades.


Beh, istamedi sanos.