Avvisu a sos navigantes, numeru 'e unu.

Thathari, su vintibattoro de Santu Gaine, duamizas e undighi.


EDITORIALE


AVVISU A SOS SARDO-BLOG-NAUTAS

CHENA FEEDBACK NO B'AT COMUNICASSIONE, B'AT SOLU ESPRESSIONE (tue ti sonas e tue ti ballas).

Amigos caros,

Sos battor mudos.

deo puru so imparende - ca nisciunu est naschidu imparadu - a navigare in custa cosa chi est su internet. Ma però una cosa devides ischire. Est mezus chi bos la nelze como ca si nono a pustis mi nades: e proite no mi l'as nadu a primu?

Si cherides chi custu blog no morzat, si cherides chi su autore-iscrittore-amantiosu-non professionista-non stipendiato dalla regione nè dallo stato- continuet a iscrier donzi die, de una cosa at bisognu comente e s'aria, su pane, s'abba: DE INTENDER S'APPUNTELLU DE SOS LETTORES.

COMENTE SI MANIFESTAT S'APPUNTELLU?

Unu:

bos devides iscrier comente e lettores. No devet eser difitzile, devides cliccare iscriere sa 'ostra mail e su nickname o su chi cherides, finidu, e poi fregurades coment'e e lettores cun su lumene o nuckname chi cherides, già nd'ischides pius de amie iscummito, ajò.

Duos:

iscriide, iscriide, iscriide. 8IN CALESISIAT LIMBA!(  sardu, gadduresu, campidanesu, nugoresu, barbaricinu, saligheresu, inglesu, frantzesu, assiro-babilonesu) deo bos rispondo in logudoresu.
In sa comunicassione est importante su FEEDBACK, chi no est sa risposta, no. Est SA REAZIONE, si deo no bido nisciuna REAZIONE de no apo FEEDBACK e chena FDEEDBACK sa rivista podet campare unu, duos, tres, forsis un annu, ma a sa fine, chena comunicassione, chena REAZIONE, chena FEEDBACK, a l'ischides ite pensat su sottoscritto autore?

DE ESSER S'UNICU LETTORE.

Ei sos numereddos in basciu? M'azis a narrer?

E ite nd'isco si calchi benefattore su notte si ponet a aberrer e serrare su blog pro fagher caminare sos numereddos?

Elaborassione de sos battor moros: a nuzzu.

Tres:

Iscriide ro mi narrer ite bos benit (o no bos benit in mente)


Battor: 

Si accipades impossibile iscriire sos commentos faghidemillu ischire cun d'una e-mail e apo a chircare de risolvere sa difficultade cun su situ de su blog.

Beh, a nos bider sanos.

UNU DICIU SA DIE PRO MELEDARE: Ponnere su inu in friscu, (cacciarsi nei guai) Già ti lu ses postu su inu in friscu! custu si narat a chie s'est postu in difficultades cun sa manos suas matessi. Est giustu pro cussu chi est iscriende?