LIMBISTICA ISTORICA: SA LIMBA EST UNA MILLESFOGLIE.

Thathari, su vintises de Santu Gaine, duamizas e undighi.

su corsivu latinu (fonte: wikipedia)

Sa limba est una millesfoglie.

Pro cumprendere it'est sa limbistica istorica tevimus imazinare sa limba comente una turta: 

b'est su pizu 'e subra : cussa est sa limba chi faeddamus oe, su sardu de oe.

poi b'est sa parte e mesu, inue bi si ponet sa crema: cussa est propriu in meidade e li naramus STRATO , diat essere SA LIMBA mama pius fazile a riconnoschere, pro su sardu, naramus su latinu, e diffattis su sardu est giamada LIMBA NEO-LATINA.

corsivu latinu antigu e nou (fonte web)

fatende referimentu ai custu STRATO de mesu podimus reconnoschere una parte subra, tra su mesu e su pizu e li naramus SUPERSTRATO (istratu de subra) 

sempre fatende referimentu ai sa parte de mesu falende in giosso b'est sa parte de sutta e li naramus SOSTRATO (istratu de sutta)

un esempiu de superstrato sun sas limbas grega-bizantina, catalanas, aragonesas e italianas chi ana influenzadu su sardu a poi de sa dominatzione romana

esempios de SOSTRATO sun sa limba fenicia, sa limba punica, sa limba grega chi sun reconnoschibiles in sa limba sarda.

Sa prima lezione de limbistica istorica est finida, como toccat a bois a meledare unu pagu subra sas cosas chi bos apo nadu.

Custa lezione no est academica, ma servet a faghet cumprender pro chie est page avesu a sa terminoligia ispecialistica chi puru bisonzat de connoschere, pro mezus cumprendere.

B'amus a torrare subra.

alfabeto feniciu (fonte: web)

Istademi 'ene.

UNU DICIU SA DIE PRO MELEDARE. No nerzes mai de cust'abba no ap'a biere, ca in sa vida no s'ischit mai comente poden andare sas cosas.