Pulitica, populu, intellettuales, media.
 |
| Antoni Gramsci (Ales 1891-Turi, 1937) |
Custu est beru ca sos intellettuales dian aer su dovere de ispiegare a chie no ischit e no cumprendet.
Ma puru sos omines mannos isbagliana.
Deo penso chi Antonio Gramsci faeddaiat gasìe ca no aiat fiduzia meda in sa capazidade de cumprendere de sa zente comune, de su populu.
Est una visione marxista classica. Pro sos comunistas su populu andaiat educadu.
Pro a mie est su contrariu: s'intellettuale devet esser educadu dae su populu e devet esser dispostu a si lassare educare.
Deo naro chi grandes intellettuales sardos de su noighentos - Antonio Pigliaru, Salvatore Cambosu, Emilio Lussu, Salvatore Satta, Michelangelo Pira, finzas a Grazia Deledda e Antonio Gramsci matessi, sun bistados pesados e educados dae su populu, poi solu in d'unu segundu momentu, in calchi casu puru dae s'istruzione intellettuale classica. Ma a primu e tottu, segundu su parrer meu - chi comente azis a ischire est comente a narrer s'omnine de s'istrada - a parrer meu, custos fin a pirmu e tottu fizos de su populu.
 |
| David Herbert Lawrence, Sea and Sardinia, sa cobelta. (fonte: Archive.org) |
Abbaidade chi no nende un'eresia: finamentas un'iscrittore raffinadu comente s'inglesu David Herbert Lawrence(1885-1930)(S'amante de Lady Chatterly, Fizos e amantes, Feminas amoradas, Sa pibera piumada, e medas ateros famados romanzos), autore de Mare e Sardigna (Sea and Sardinia) naraiat sempre chi issu no aiat nudda ite faghere cun sa classe burghese, issu si sentiat fizu de su populu, affacca a su populu. Custu no cheriat narrer chi fit unu rusticone. In su liberu sou subra sa Sardigna sa cosa chi impressionat de pius est sa fastizu pro sa ruzesa, su rusticume, sa mala educassione.
 |
| Documentu: Archive.org |
Ateros intelletuales inglesos o americanos si sentian pius affacca a sa zente comuna chei a sa burghesia ziattadina: George Orwell, Ernest Hemingway, Joseph Conrad, puru su poeta romanticu inglesu William Blake, poeta radicale e rebelle, o s'americanu Walt Whitman..
Ei custu no est a esser populistas. Populista est Berluscone I° Mediaset, nois semus troppu rispettosos de su populu - puru cando imbagliat sa miria votende e causende disacattu mannu - pro esser populista.
Cherrer bene e istimare sa cultura popolare no cheret narrer a esser populista. A su premier nostru pagu l'interessat de su populu. E pro cuss'est chi s'est giamadu Popolo della libertà. Sa libertade de fagher cussu chi mi paret e piaghet. A sa faccia 'e su populu.
E duncas deo no penso chi sos intellettuales depan esser sa cintura di trasmissione tra il partito e il popolo. Mancu pro nudda. Sos intellettuales deven esser affacca a su populu e nde interpretare in manera positiva e nobile sas isperanzias, sos isettos, sos bisonzos autenticos, sos valores in d'una paraula cara a Jurgen Habermas.
Attesu de essere intellettuales organicos a sa pulitica - in Italia, colz'anois, sos intellettuales sun tottu organicos a calchi potere, unu giornale, sa cheja cattolica, s'universidade, su partidu, su barone locale...
Pagos intellettuales in Italia sun bistados liberos abberu: su pius mannu fit zertu Pier Paolo Pasolini, diffattis at fattu sa fine chi at fattu.
 |
| Sa Nuova, prima edizione. (Wikipedia) |
Sos media informana, sos intellettuales criticana, custa est sa matessi rejone issoro de vivere. Su tribagliu issoro.
Si intellettuales faghen informazione est sempre in veste critica no in veste de informazione pura e semplice.
Su matessi diat esser pro sos media. Ma sos media sun ammesturados cun sa pulitica. In Italia addirittura sun pagados dae sa pulitica.
E , m'azis a narrer bois, e in Sardigna? Ah, in sardigna coment'est sa situazione?
Amigos caros, ell'e poite sa Sardigna inue ch'este? no est parte de s'Italia?
 |
| Dae s'edizione originale de Mare e Sardigna (Archive.org) |
Saludos caros, tenidebos contu.
Nessun commento:
Posta un commento