Abbojos malinconicos
Su web est una cosa istrana meda. Poder finamentas fagher a meledare.
Totu su chi ides paret biu, modernu, tecnologicu, glamour. Poi incontras sitos e blogs de zente curiosa chi pensat cun sa conca sua, iscriet blogs chi sun simpaticos poi sighis una transa, un'indirizzu, una paraula, e t'agattas in d'unu blog chi est frimmu a unu o duos annos como.
E ti naras su situ at serradu? O ite? E proite? E ite l'at suzzessu? No est chi est mortu?
Gasìe, sighende sa curiosidade e sas transas arrivis in d'un'ateru situ: una fotografia ammustrat unu viale de arvures e una persone in fundu chi si ch'est andende.
 |
| Su header de su situ. |
Poi abbaidades sa barra de s'indirizzu http e it'est s'ultima paraula de un'indirizzu pienu de numeros, puntos interrogativos e simbolos? vorrei morire.
Abbaidades sa persone in sa fotografia de su header est no podides fagher a mancu de intendere unu althuddu de frittura i' s'ischina.
Cosa istrana meda, custu web.
E cumprendes chi est fattu de omines in chirca de amore, totu.
Serrade su blog e andade a faeddare cun calicunu, deo so andende.
Nessun commento:
Posta un commento