SA RIVISTA AT LOMPIDU UNU MESE.

Thathari, su vintitres de Santu Gaine duamizas e undighi.




AMUS LOMPIDU UNU MESE.

Sa rivista, umpare cun sos tres amantiosos lettores at lompidu unu mese de vida. Bos aìa ja nadu chi su blog istesit cuminzadu in su 2009 ma nd'aio perdidu sas transas.
Duncas est unu mese. Est bistadu unu mese de proas de iscrittura subra diversos argomentos chi amus a coro - sa limbistica istorica, sa semantica, s'impreu comunicativu de sa limba e amus puru faeddadu de omines chi ana lassadu calchi cosa de meritoriu.

Cun su tempus amus a selezionare mezus ei sa limba ei sos materiales.

Ma s'isperanzia est chi deo no reste a sa sola a sonare sa cantone, ca, comente narat su diciu: finit chi tue ti sonas e tue ti ballas. Emagari finit comente in cuddu film, ballo da sola.

S'isperanzia est chi a calicun'atere li enzat boza de m'iscriere, de comunicare calchi cosa, un'idea, una pensada, unu pregettu, una critica pungosa...


Est beru cussu chi at nadu su filosofo americanu de sa comunicazione e de sa consulenza filosofica, Paul Watzaliwick chi no podimus no comunicare però podimus nessi istare mudos, chi est puru unu modu de comunicassione.

Andat bene, tando: ne buta, ne cata,  comente narat su diciu in Fiolinas. Est a narrer: ne paraula at nadu ne dannu at fattu, gai a su nessi est comente l' apo cumpresu deo.

UNU DICIU SA DIE PRO MELEDARE: sa entre nostra est unu pertuseddu chi destruet palatu e casteddu.