Est mortu Steve Jobs. Su ì-mundu in corruttu.Gianteris est mortu Steve Jobs, s'inventore de su Macintosh, de s'Apple, de su i-Mac, de su Mac-Book, des'i-pod, de s'i-phone, de s'i-pad. Naschidu in San Francisco su 24 de Frealzu de su 1955. Totu su mundu est diventadu maccu pro custos gadgets elettronicos, chi ana revolussionadu su mundu de sa comunicazione e de sa telefonia e oe puru de sa lettura cun s'i-pad.
L'ana jamadu: "s'omine chi at dadu fromma a su benidore"; "su guru de sa neo religione Apple", "s'omine chi at cambiadu sa nostra vida in mezus"; "s'inventore filosofo"
Su simbulu de sa Apple, s'azienda de Cupertino (Sylicon Valley, California) est una mela. Comente sa mela de sos Beatles, de sos cales Steve Jobs fidi un fan.
Nachi tren melas an rivoluzionadu su mundu: sa mela de Eva, sa mela de Newton ei sa mela de Steve Jobs. E tando naramus battor ca sa mela de Steve Jobs fit apprimu sa mela de so Beatles.
E deo bi di annanghere sa mela de New York de sas Turres Copiolas (Twin Towers) chi a bell'a bellu, nos an giuttu in Iraq, in Afghanistan e derettos derettos in sa crisi de su 2007-2011 -20??
 |
Beh, si Jobs no aeret inventadu su computer custu blog no fit bistadu possibile.
Chena su pc mancu s'internet o su web fin bistados possibiles. Ei su diszionariu on line de Puddu, ei su blog de Massimo Pittau.
Bidides chi est cun Steve Jobs chi sa rivoluzione digitale est cuminzada.
Meda de ois s'ana leggidu su discursu de Jobs in s'universidade de Stanford.
Si no l'azis fattu, leggidebollu. Est istruttivu.
Faeddat de sa vida sua - no fit fizu de zente ricca, bistesit dadu in adozione dai babbu e mama biologicos a un'atera coppia. No agabbesit s'universidade. Ma a 12 annos fit già trabagliende pro sa Hewlett Packard.
I su discursu de Stanford ammentad a sos neo-laureados de Stanford, calicunas cosas de importu meda, e chi ismentigadus frecuente:
chi ognunu de nois at una vida sola, e chi custa si che colat in presse.
chi una vida nos an dadu e una vida devimus torrare
chi dognunu devet fagher su chi amat de pius
chi dognunu devet pensare cun sa conca sua e no cun sa conca de sos ateros
chi no podimus isprecare sa vida nostra sighende su pensieru de ateros
chi devimus aer curiosidade e azza
chi no no devimus mai accuntentare
chi no est possibile ischire inue ti gighen sas esperienzias chi faghen, si no abbaidended in daisegus
chi deves creere in cussu chi faghes e fagher cussu chi crees mezus pro a tie
no est possibile cumprendere inue sa vida ti est giuttende ma bi deves creer, deves creer in a tie matessi, in su fadu tou, in su caminu chi sa vida t'est ammnizende die pro die
chi deves viver dogni die comente si esseret s'ultima
(e una die o s'atera b'as a inzertare)
Apo leggidu chi cun totu su inari ch'aiat fattu si cuntentaiat de pagu,e viviat cun pagu.
Cando morit una persone istimada in sardu si narat: a lu connoscher in chelu.
 |
| Fonte: Ansa.it |
DICIU PRO MELEDARE: Su sole (o Deus, chi poi est su matessi, cfr sinnu egiziano a Aton_sole) est in chelu pro tottu.
 |
| Su simbulu de Aton (Aten), su solem chi dispensat sas grascias de sa vida. (imazine: egyptianamyths.net) |
Nessun commento:
Posta un commento