SA MORTE DE MUAMMAR GHEDDAFI IN S'INTERNET
Candos sos dittatores attin piedade e sos omines faghen s' ascamu.
 |
| Amigos! |
Totu su mundu deris at bidu sos films ei sas fotografias de un omine braccadu comente un animale e ammustradu a su mundu comente una bestia ferida.
Gheddafi nd'at cumbinadu de totu soso colores, fit unu dittatore e su populu bene at fattu a s'arrempellare e a nde lu ettare dae sedda.
Sa morte chi lis an fattu faghere si no at riscattadu sas aziones suas at riscattadu s'omine, s'essere umanu, e li at torradu sa dignidade chi sosa aguzzinos ana perdidu trattendelu comente una bestia.
Puru su peus dittatore meritat s'umana piedade e unu trattamentu giustu e unu giustu dibattimentu.
si podet cumprenderesa rabbia de una populu, ma no si podet giustificare sa violenzia bruta.
S'iscena chi deris s'est offerta a su mundu est bistada una irgonza pro sos omine e pro sa zivilidade.
Ma pius ancora in s'ora de sa morte de unu dittatore fit feu, malu, e faghiat s'ascamu bidere sutta a sos films a a sas fotografias de Gheddafi marturizadu e pienu de sambene, su manighedda cun su poddighitu de fèisbukku: mi piace, non mi piace, e sutta mi piace b'aiat roba gai:
a 2500 lis piaghet custu.
Cumpresu azis, su sambene, s'iscempiu, sa violenzia, sa morte, su lugubre divertimentu de su boje?
Custu lis est piaghidu?
Sa pagina fidi in su situ de Repubblica, no bi faghet una bella frigura nisciunu.
A sa fine de totu su ineffabile Presidente de su Consizu Italianu a mustradu comente e solitu s'umanidade de unu caimano: "sic transit gloria mundi", nachi. Bell'amigu, no b'at che gai. Sos compares de merenda sun pius bonos.
Nessun commento:
Posta un commento