Die de sa Sardigna? Ma mi faccia il piacere!

Thathari, su 28 de Abrile 2012


Sa die de sa Sardigna: una vacanscia pro istudentes.

Liberu de sas medias (annos '60)

No bos isettedas dae parte mia "celebraziones" de custa die. No b'at nudda de celebrare, si no su "disfacimento" de un'idea de identidade chi at fattu sos annos suos, de una pulitica affarista e malintragnada, de una intelletualidade distratta e sonnida. Su populu coment'e sempre suffrit e patit in selenziu ei sos mannos    , sos chi han "potere" si nd'affutin de su totu.

Pro cussu su motto nostru est "abbasso sa die de sa Sardigna" criadura chena conca e chena coro, comente sos personaggios de "Il mago di Oz".

Sa die de sa Sardigna in Sardigna est famada meda in sas iscolas sardas, ca totu sos istudentes ischin chi est die de vacanscia.
No dimandedes ai cussos istudentes matessi ite si affestat e proite: no l'ischin. E proite no l'ischin? Ca sa die de sa Sardigna isso la passan a lettu e no in iscola, ammandronados e no istudiende sa cultura de sos mannos.

Cust'idea chi si potat fagher festa solu serrende sas iscolas e lassende sos istudentes in domo imbetzes de los interessare a sas cosas de sa cultura issoro est un'idea brillante. Infattis in 'dunu colpu solu politicos e intelletuales sardos s'an bogadu dae conca s'isfadu de imbentaresi calchi cosa de intelligente de narrer a sos pitzinnos subra su passadu ei su futuru de sos sardos.

Bandelas.

Cun sa licenza generale de sa vacanscia s'impizu est bogadu e niusciune si devet leare impodda meda pro organizare riflessiones subra e s'identidade o sa diversidade (chi poi sun sas duas caras de sa matessi medaglia):

A narrer tota canta sa veridade, dae cando est bistada istituida custa festa no m'at mai appassionadu, e a cantu nd'isco no at appassionadu mai su 99 pro chentu de sos sardos.

Su pruite est fazile a lu narrer. A primu e tottu sa die affestat "la cacciata dei savoia" ma cussos chi l'an istituida si sun'ismentigados chi sos matessi sardos chi dian aer "cacciato" i Savoia, passados tres meses los accoglian torra cun totu sos onores! E tando? Ite semus festeggende? Sa coerenzia de sos sardos? S'amicizia tra sardos e continentales? Su pentimentu de sos sardos?

Pasende.

Sa veridade est chi est una die completamente isballada. De seguru si podiat lassare in pasu s'istoria Sabauda chi no est meda onorevole pro sos sardos e leare magari calchi data de sa prima gherra mundiale o calchi atera die simbolica, comente sa die de Santu Antine chi est de aberu s'unica festa chi aunit totu sos sardos!

Duncas no bos isettedas dae parte mia "celebraziones" de custa die. No b'at nudda ite festeggiare si no sa dabbenaggine de sa pulitica ei su sonniu de sos intelletuales sardos.

Lezione de Kisuras 2.

Ma pro no serrare in disisperu su motto de sos sardos nazionalistas e identitarios, progressistas e democraticos abberu (no sas barzelletta de sos partidos italianos)  devet esser su motto de sa resistenzia a sos fascismos de ogni zenìa, sien issos puliticos, intelletuales, economicos o culturales: su mottu nostru est unu: oe e sempre resistenzia. (Pro a mie totu sos sardos si dian dever assentare a s'ANPI, associazione nazionale partigiani d'Italia). Est una contraddizione? Nono, ca sos primos chi lean pro su culu sos sardos sun sardos e totu! 

Thathari, Viale Dante, Particulare in d'una fazada.

Bendidos, ma sardos. E tando?

Bona notte a totu (no est denotte como est die mannu).

UNU DICIU PRO MELEDARE: Pedra roddulana no ponet mai lana (a rolling stone gathers no moss).

SU 25 DE ABRILE

Thathari, su 25 de Abrile, 2012

SU 25 DE ABRILE, FESTA DE SA LIBERAZIONE DAE SU FASCISMU, DE SA LIBERTADE  DE SA PERSONE E DE SA RESISTENZIA CONTRA TOTTU SOS FASCISMOS, POLITICOS, ECONOMICOS, CULTURALES.

In dies criticas comente custos chi semus vivende, de crisi no soletantu economica, ma puru pulitica, economica e culturale, su 25 de abrile, pro sa prima 'orta in medas annos si garrigat de una importanzia chi aimus ismentigadu.

Nos abbizamus in custas dies chi sa crisi chi est istada esportada in totu su mundu dae sos Istados Unidos de America a partire dae su 2007 est una crisi globale, no solu in sensu geograficu, ma puru in sensu morale, politicu e soziale.

Sa crisi difattis, no est solu finanziaria e poi economica, ma puru politica ca sa pulitica no cheret dare sa rispostas chi tiat devet dare, ca a sos puliticos, a cantu paret, lis importat pius su breve periodu de sa visione a termine longu. Sa pulitica est mescamente in crisi in Europa ca s'Europa at fattu una moneda, s'Euro, chena sovranidade, e una moneda chena sovranidade est un aurtu politicu-finanziariu, no amus ateros esempios in su mundu de monedas chena sovranidade.

E difattis s'Europa, sa Grecia, s'Italia, s'Ispagna, su Portogallo, s'Irlanda sun paghende unu preju altu meda pro muntennere in pes custa criadura che medas economistas giudican coment'est como impossibile chi duret.

Sa crisi est puru una crisi de democrazia ca sa pulitica est impoverende no solu sas classes medias, ma coment'est solitu, sas classes pius debiles, sos tribagliadores, sas feminas, sos pinzionados, sos istudentes, sos anzianos, sos disoccupados. E no s'idet sa fine de una crisi chi est bortulende totu sas isperanzias de miliones de persones in totu sas naziones europeas.

E in totu cutu guastu sa pulitica ischit solu segare, segare,  segare chena nisciuna visione de isviluppu alternativu chi diet isperanzia a sa zente.

Sos potentes diventan sempre pius potentes ei sos poveros sempre pius poveros, in Italia poi, sos partidos diventan associaziones de latrocinio chi faghen sa irgonza de sos elettores chi los an votados.

Bi diat forsis cherrer un'isciopero de sos lettores, chi no b'andet pius manc'unu a votare, comente at contadu Josè Saramago in d'unu liberu famadu intituladu : "Saggio sulla lucidità".

In su liberu sa zente votat totu ischeda bianca ei su guvernu chircat de imponnere a sa zente sa visione issoro de sa democrazia, chi est sempre a votare sos candidados immorales e impresentabiles de sa pulitica de sos partidos e de sos potentados economicos, finanziarios, mediaticos a sa Berluscone.

“L’arte e la parte insieme mi autorizzano ad affermare che votare scheda bianca è una manifestazione di cecità altrettanto distruttiva dell’altra"

 "O di lucidità", disse il ministro della giustizia,

" Che cosa?" domandò il ministro dell’interno, ritenendo di aver udito male, 

"Ho detto che votare scheda bianca si potrebbe considerare come una manifestazione di lucidità da parte di chi l’ha fatto". 

"Come osa, in pieno consiglio del governo, pronunciare una simile barbarità antidemocratica, dovrebbe vergognarsi, non sembra neanche un ministro della giustizia", sbottò quello della difesa. (da "Saggio sulla lucidità")

DICIOS . Aggiuadi si cheres chi Deus t'aggiudet.

23 de abrile in catalunya, festa de sos amorados e de su liberu.

Thathari, su 25 de Abrile, 2012

Sant Jordi, in Catalunya, giorno del libro e delle rose.

Il giorno 23 aprile tutta la Catalogna si abbellisce per festeggiare insieme amore e cultura.

Nell’anno 1436 venne formulata una proposta alle Corti della Generalitat di Catalunya per convertire in festa la data del 23 di aprile. La proposta divenne effettiva nel 1456. Tradizionalemnte e dal secolo XV, il giorno di Sant Jordi-patrono di Catalunya – è il giorno degli innamorati nella comunità, ed è costume che le coppie si regalino una rosa rossa accaompagnata da una spiga e da un libro (la rosa simbolizza la passione, mentre la spiga allude alla fertilità).

Il costume di regalare rose si stabilì decisamente nel 1914, grazie all’impulso della Mancomunitat. La presenza del libro si deve al fatto che la giornata coincide con la Guornata Internazionale del Libro, che dal 1930 commemora la morte di Cervantes e Shakespeare. La festività, inoltre, ha anche un carattere autonomistico, e molti balconi di Catalunya si abbelliscono con la “senyera”, la bandiera catalana.

A Barcellona si vendono libri e rosedi tutti i colori, però è nella Rambla che la festa ragiunge il massimo dela sua espressione. Alle parate abituali della passeggiata se ne aggiungono altre per l’occasione. Parate con rivendicazioni politiche o per raccogliere fondi per le ONG.

La tradizione promuove la vendita di libri con la firma degli autori e si relaizzano sconti nel prezzo di vendita. Si può assistere a letture di poesie o di pagine di libri. La vendita di rose si trasforma nel gran commercio del giorno. Si può giungere ad acquistare sino a 6 milioni di rose solo in Catalunya il 40 % delle vendite di tutto l’anno.

Ma sopra tutto emerge il carattere festivo che genera Sant Jordi in tutta Barcellona. Si realizzano giochi floreali, concerti nelle strade, e attività nelle biblioteche che si aggi8ungono all’offerta culturale della città.

(Tradotto e adattato da un articolo in castigliano di Raül Prunell su Dossier Empresarial, Periodico settimanale di informazione economic

Soldados de Salamina

Thathari, su 24 de Abrile, 2012




Soldados de Salamina est su liberu de Javier Cercas chi bos apo faeddadu in su post passadu.
Est bistadu pubblicadu in su 2001 e in su 2003 n'dan fattu puru unu film cun su matessi titulu.

Su liberu est bistadu pubblicadu dae Guanda in italianu.

Su liberu faeddat de unu gruppu de Repubblicanos antifranchistas chi a sa fine de sa gherra zivile ispagnola si sunu retirende in Franza pro s'avanzada de sa truppas franchistas.
Prima de si retirare de su totu dezidin de fusilare unu gruppu de prisoneris fascistas. Ma unu de custos resessit a fuire. Unu soldadu benit imbiadu a lu chircare in su buscu ma cando l'agattat, custu imbetzes de lu occhire lu lassat andare.
S'istoria est contada dae unu giornalista in prima persone chi intesa s'istoria cheret acciapare sos protagonistas ei su liberu narat puru de sa chirca de custu giornalista e de comente sa chirca andat a finire.
Appena lu leggimus bos amus a narrer sa impressione nostra.

Pro su mamentu e nos bider sanos.

DICIOS E MASSIMAS. In s'internet apo leggidu custa massima de s'iscrittore portughesu Josè Saramago, mortu s'annu passadu:
no est su viaggiu chi finit, sun sos biazadores!
.

Sende andende in Catalunya.

Thathari, su 23 de Abrile, duamizas e doighi.

BIAZARE EST CONNOSCHERE: SENDE ANDENDE IN CATALUNYA.


Abberu dogni biazu t'irrichit ca imparas pius de fagher cale si siat atera cosa. Sende andende in Barcellona apo connottu unu professore Catalanu de s'Universidade de Architettura de s'Alighera.
Un'omine zentile meda e de cultura. Ischende chi fimis andende a Barcellona cun sos istudentes de su Liceo pro unu biazu de istruzione m'at nadu ite aliat sa pena de visitare e ite devimis lassare a perdere.
E gai m'at faeddadu de Gaudì, de sa Pedrera, de sa Sagrada Familia, e subra e tottu de su centro istoricu, de su Barriu Goticu e de sa Cattedrale del Mar. Sende unu professore de Urbanistica ischiat su chi mi fit nende. M'at iscunsizzadu de visitare Tibi dabo e de visitare sos logos de s'isperimentalismu architettonico de su noighentos.

Gai amus fattu cun sos piseddos e amus bidu una zittade- metropoli, bella, hermosa, europea, simizante a Parigi, allegra pius de Londra, zeppa de monumentos, de architteturas, de cultura, de istoria, de memoria e de modernidade. Un'esempiu de immaginazione, creadividade, bellesa e memoria istorica pro s'Italia e pro sa Sardinia.

Pro milli motivos chi no bos isto a descriere no aio mai visitadu Barcellona in bida mia. Ma si no l'azis fattu, azis a esser paghizeddos sos chi no l'an fattu, faghidelu, e no bo' nd'azis a penetire.

B'at logos,comente sa Sagrada Familia chi sun cummoventes pro sa bellesa, s'ispiridualidade  ei s'immaginazione chi ammustran. Chi unu siet o no siet cristianu b'at de ammirare s'ingegnu creativu de sos artistas - Gaudì in primis, ma no solu, chi b'an tribagliadu e chi sighin a bi tribagliare ca sa cheja no est finida e no s'ischit cando ad a esser finida. S'opera est andende addainanti dae su 1866, cando est bistada cuncepida pro sa prima 'orta.

Ma bos fio nende deu su professore de Urbanistica. Intr'e sas ateras cosas m'at nadu chi LUNIS 23 DE APRILE , est a narrer oe, ma nois semus torrados derinotte dae Barcellona, est sa die de Sant Jordi, su patronu de sa Catalunya ei sa zente affestat cun d'una tradissione: i sas bias regalan a totu una rosa e unu liberu. E difattis sas bias de Barcellona fin pienas de istendardos catalanos e de manifestos de Sant Jordi, chi tiat essere Santu Giolzi.

E faeddende de liberos m'at cussizadu su liberu de unu iscrittore catalanu, Javier Cercas, ( si pronunziat Havier Thercas ) Soldati di Salamina, ambientadu a sa fine de sa segunda gherra mondiale e de sa gherra zivile ispagnola.

Ecco, it'est su biazare, comunicare cun zente noa, aiscultare, imparare cosas chi no pensamus mai de fagher o de connoschere. Accò, proite est bellu.

Deo bos giro s'informazione, magari bo lu cherides comporare bois puru.

Belsito, Rosina-Dammi $, Trota £, Bossi%, sa Lega&C.,

Thathari, su 15 de Abrile, Annus Horribilis.

Belsito, Rosina-Dammi $, Trota £, Bossi%, sa Lega & Co.;. 


Della serie: Mi nde falan sos coddos.

Sa Trota Rampante

No bastaiat Berluscone; no bastaiat su Parlamento chi tenimus; no bastaiat sa bolla finanziaria de sos derivados tossicos; no bastaiat sa degradazione de Standard & Poor (cheret narrer: andante e poverittu) no bastaian s'indice Mib e Nasdaq; no bastaiat su Tzunami giapponesu; l'Aquila e sa protezione zivile a si fagher sos massaggios; no bastaiat s'evasione fiscale; no bastaian sas istrages de istadu; no bastaian sa 'Ndrangheta, sa Camorra e sa Mafia e sa Corona Unita; no bastaiat Perdas de Fogu e sos proiettiles de uraniu arrichidu; no bastaiat Cappellaio Matto e la Lepre Leghista, no bastaiat s'Imu imminente, s'accisa in sa benzina, sa flotta sarda, Syndial e Alcoa, l'Isola dei cassintegrati e Pecora selvaggia, la peste suina e la Mucca Pazza, bi cheriat puru su Trota ladrone...

Vocazione...politica.
Copyright Paperon de Paperoni

Zente mia, no si nde podet pius sa vida.
Si sighimus goi mi ch'ando in esiliu a s'Asinara o mi candido in pulitiga. 
Zente mia, no bastaiat Berluscone I°, no bastaiat sa crisi, no bastaiat Supermario Demontes chi no s'est bocchende totu a forza de tassas, como bi cheriat puru sa Trota, sa famiglia Bossi, ei sa Lega...ateru che Roma Ladrona, inoghe mi paret chi su slogan de sos partidos de sa comente si giamat "segunda repubblica" siet: "Mandigamus como chi cras no s'ischit ite fine faghimus"!
Parafrasende unu diciu de sogra mia "pro no esser mama mezus boja", diamus a 

Interesse..... pubblico.

poder narrer in custa ora tristissima de s'istoria italiana "pro no esser italianu mezus Cinesu" assumancu issos ana calchi isperanzia de mezorìu.


Sa cultura pulitiga a s'italiana: €, £, $, %, rimborsi elettorali, etc. etc.
Ma comente faghimus a sighire a faeddare de cultura, de limba sarda, de identidade, de poesia, cando su mundu paret chi si siet falende in regottu? comente narat sogra mia?
A cal'ala ti giras no bides ateru che butreas serradas, zente chena tribagliu, giovanos chena opportunidades, una decadenzia chi no finit pius. 


Ei custos politicos ladrones nostros chi sighin a mandigare a battor ganascias a sa faccia de sos cassintegrados, disoccupados, situdentes, casalingas e pinsionados!
E lu giaman puru: "rimborso ellettorale". 
Cojpos de roccu lis aia dadu. 

Rimborso a fondo perduto.

Eppuru, eppuru...toccat de sighire a fagher dognunu su chi ischit faghere, e forsis in tempos malos toccat de esser galu pius serios, impignados, resistentes, indignados, omines.

Faghedi omine! apo intesu una die unu giovanu nendelu a unu fedale sou chi fit fattende su maccu. Faghidebos omines in tempos malos, ca amus a esser poveros, ma a furare chei sos ladrones de sos partidos berlusconistas no b'amus a andare mai.


Nanneddu meu, su mundu est gai, a sicut erat no torrat mai.
semus in tempos de tirannia, infamidade e carestia...


Sa pulitica italiana da cando iscriiat Dante no est cambiada pro nudda: guelfos e ghibellinos, cun sa cheja sempre in mesu caminu a distribuire mazzettas e ingarrigos, e sos italianos maccos sighende a votare scudo crociato, una falce e martello chi si giamat Partito Democratico, o battor moros chi de su partidu de Lussu no giughen ne sa memoria nè sa dignidade antifascista.


Deo l'isco su partidu prossimu chi amus a bidere: Resistenzia Partigiana.


No bi-partisan. Chi sun duas... comente sas nadigas.


Muntenidebos omines.

Trota...chi ammossat.

UNU DICIU PRO MELEDARE. Si cheres mandigare...faghedi Trota. (diciu imbentadu).










Copyright: totu sas immagines de custu post sun leadas dae s'Internet...segundu su prinzipiu: copy-right, dirittu de copia.
(E ite nd'isco ite nde faghen de sas fotos mias cando las ponzo in su blog?).

Bonas Pascas cun Buddha.

Thathari, su deghe de Abrile duamizas e doighi.

BONAS PASCAS CUN BUDDHA.

AVVISU

Deo no so nisciunu pro bos faeddare de Buddha, ma una cosa apo cumpresu forsis, chi leggere su pensamentu de omines grandes comente su Buddha (s'Ischidadu, cheret narrer, s'illuminadu, cussu chi at cumpresu) faghet solu bene a su coro e a s'spiritu, ei puru a sa mente in generale.

Cun custu, sigomente est Pasca de Abrile bos chelzo fagher unu regalittu chi no mi costat nudda.

No isco propriu canto buddhistas ch'at in Sardigna.
Sigund'a mie pagos meda. Ma paga zente mezus festa, narat su diciu. A donzi modu, sien o no sien meda, chi est buddhista connoschet a memoria sas peraulas de s'ottuplice sentiero, sa bia manna pro cuminzare a pratigare sa sabidoria a primu chi siet troppu tardu.

Sigomente est Pasca e semus totu pius bonos ca s'istoria e Gesus Cristos mortu in rughe pro salvare s'umanidade nos faghet totu unu pagu pius responsabiles, bos chelzo reagalare s'ottuplice sentiero buddhista pro chi cumprendemus calicunas cosas:

su buddhismu, chi est cretidu una religione, no creet in perunu deus chi no siet su SE matessi chi abitat in dogni persone e chi est fonte de sa dignidade matessi (connosche a tie matessi naraiat Socrate), est una filosofia de vida;

sas religiones sun totu un'iscorciatoia pro intrare in cuntattu cun su SE chi dognunu no ischit abitat in su coro sou matessi

sas religiones no teven essere milciadas cun sas autoridades religiosas chi sun sa burocrazias de s'ispiritu

sos omines si sun sempre appadronados de sa divinidade a cuminzare dae sos tempos pius antigos de s'umanidade

cando una zittade mesopotamica cheriat mover gherra a un atera zittade si presentaian sutt'a sos muros e naraian:

" mì chi sa dea de sa luna, Inanna, chi abitat in chelu, est cun a nois; tando si bos suttamittides subitu no bos amus a mover gherra e pagades sas tassas chena ciunciare, si no bos movimus gherra e bos bocchimus, bos leamus isciaos e destruimus sa zittade"

cuddos unu pagu fin impressionados dae s'atza de custos bighinos pretenziosos, ma poi li rispondian: "Ehm, amus a bidere, pro cussu chi nos constat Inanna, chi tra parentis est masciu e no femina, ca l'ischin totu chi su deus de sa luna est masciu, est cun a nois, e duncas nois semus pius fortes e casu mai sezis bois chi bode devides suttamittere!"

su messaggeri forsis si l'isettaiat una risposta e su genere, e in su primu casu de gherra contadu, s'assediu de Aratta (Kramer Noah Kramer, Sas primas trentases bortas in s'istoria), si che torresit a sa zittade sua, comente si narat "con le pive nel sacco", a manos boidas. Tando su re li desit un'iscrittu in argilla, in cuneiforme, nendeli chi issos fin potentes meda, chi Inanna fin cun a issos e chi s'esseren rendidos. Cando su messaggeri arrivesit a Aratta - chi ., tra parentis fit una zittade ricca meda, dedit sa taulitta de arghidda a su re de Aratta. Custu s'arrabiesit meda ca no ischiat leggere e no ischiat ite fit s'iscrittura e che mandesit su messaggeru in malu modu nendeli: elo, ite regalu m'as battidu, una taulitta de arghidda, bae a su re tou e no che torres pius si no ti occhimus."

Sos mesopotamicos torresin cun s'esercitu e cun sas bonas e cun sas malas cumbinchesin sos de Aratta chi Inanna fit de abberu cun a issos. Comente si podet bider sa psicologia de s'omine no est cambiada meda in sos ultimos chimbemiza annos, pro brigare totu est a acciapare un'iscuja.

GOT MIT UNS, Deus est cun nois b'aiat iscrittu in sos cinturones de sos soldados nazistas.

Ma torramus a s'ottuplice sentiero, chi diat esser ora:

retta visione - cheret narrer chi devimus abbaidare sa realtade pro coment'est, chena illusiones

retto pensiero - cheret narrer pro a mie chi devimus pensare cun su coro e no cun sa "ragione", sa contabile de sos sentimentos

retta parola - cheret narrer, a parrer meu, chi devimus faeddare chena "lingua  biforcuta" nende pane al pane e vino al vino, cun sinzeridade, chena ipocrisias, sa veridade, su chi est, chena rabbia, chena timoria, chena falsidade in su coro, a cor'in manu, comente si narat.

retta intenzione - cheret narrer, sempre a parrer meu, chi cussu chi contat cando faghimus sas cosas est chi las faghimus sighende su coro, sa cuscenscia, cussu chi nos dettat s'animu

retta azione - cheret narrer chi s'azione tevet essere coerente cun su pensamentu, chi no podimus pensare , o faeddare, de una manera e fagher in d'un atera, si no ba't coerenzia,  ite semus?

retta presenza di spirito - cheret narrer chi devimus esser cuncentrados a sighire sas cosa importantes chi amus dezisu de sighire, chena ismentigare, chena brincare dae una cosa a s'atera, chena nos fagher isviare dae sas cosas de su mundu


retto modo di vivere - cheret narrer chi bi devet esser echillibriu intre e sas cosas materiales e ispirituales

retta meditazione - cheret narrer chi una vida chena riflessione ite vida est? pissighimus sas pantasimas de ogni die, de sa materia e no amus tempus de nos abizare chi su tempus est fuende die cun die, e nois cun issu.

ATTINZIONE . No so mancu siguru chi sa traduzione italiana est cudda giusta, ma pius o mancu....

Bos paret paga cosa?

Pro cuminzare, abbaidade comente sos otto cunsizos sun cunsighentes unu a s'ateru e chi dognunu sighit de nezessidade su chi narat su chi enit a primu.

An Ecology of Mind - documentario sul pensiero di Gregory Bateson - Trai...

Thathari, Chenabura de Chida Santa, 7 de Abrile, 2012

Un'intervista a Gregory Bateson dae su WEB.

"Oe semus totu cantos in rughe" at nadu un'omine in s'isprotellu de sa banca. "Chissa cantu b'amus a istare!"
"Tres dies" lis at rispostu s'impiegadu"Solu tres dies"
"O tres annos" lis at rispostu su ezzu, riferendesi a sa crisi.







Est diversu tempus chi so "affascinato" dae su modu chi nois a pianu a pianu no fraigamus un'idea de su mundu, dae cando fimus piseddos minores, a zovanos, a mannos, a betziteddos.
Ei custu modu de nos "imbentare" su mundu est dae unu ladu sempre su matessi, comente individuos, e dae un'ateru lòadu sempre divessu, ca diversa est sa bidea chi nos faghimus a man'a manu.

In sos ultimos tempos mi sun bennidos in manu sos liberos de calicunos istudiosos de cibernetica, de psicologia e de antropologia chi an chircadu de ammustrare comente sa mente umana chircat de si rapresentare su mundu pro chi custu siet unu pagu pius intellegibile.

Unu liberu segund'a mie bellu meda e "affascinante" est "Verso un'ecologia della mente" de Gregory Bateson, chi fit de su gruppo de Palo Alto umpare cun Watzlawick e ateros.

Como in su web apo apidu custu video cun d'una breve intervista e bo lu giro pro chi nde podidas gosare bois puru.

Una cosa interessante chi apo notadu in sos tribaglios de Maturana, Valera, Bateson a Watzlawick est chi sun arrividos a sas matessis conclusiones de sa filosofia orientale, zen, buddista o indiana, est a narrer chi s'EGO est un'illusione, chi s'omine diat devet acciapare su SE' INTRO DE A ISSE E CHI AI CUSTU Sè, li damus lumenes diversos - ego, Dio, mente. cuscienzia, identidade - ma totu, comente naraiat Carl Gustav Jung in SEPTEM SERMONES AD Mortuos (in Ricordi, Sogni Riflessioni) semus manifestaziones imperfettas e finidas de su PLEROMA infinidu, criaduras, propriu comente naramus in sardu de sos piseddos. E piseddos semus si est beru comente est beru chi ponimus fattu pro totat sa vida a sas illusiones de su mundu chena nde leare mai manc'una.

Istademi 'ene, e no bos abolotedas meda. Amus a istare in sa rughe tres dies, tres annos, toccat de supportare.

Cando acciapo ateras cosas interessantes subra sa connoschenzia de custos filosofos bo nde fatto parte.



UNU DICIU PRO MELEDARE: Famine fin'a coghere no est famine malu.