NOSTALGIA

THATHARI , SU TRES DE LAMPADAS 2019

Nostalgia,

est paraula grecana, cheret narrere, comente ischides tottu, dizizu de torrare an domo o puru, disizu de calchi cosa chi no amus pius sutta 'e manu, chi nos mancat.
In custas dies, pro divessas rejones chi no isto a isvoligare,m'est bennida sa nostalgia de iscrier torra in su blog, chi poi in inglesu cheriat narrer WEB-LOG, est a narrer giornale de su chelu (sa ragnatela, sa  "rete" de su piscadore). in sardu diad esser su CHELGIO (chelu-giornale) o su GIOCHEL (giornale-chelu)

. E ite bos nde paret?
B'est cherfidu Sant' Antoni a cumprender comente fit chi no resessio pius a intrare in su blog meu, comente si calicunu si l'eperat furadu...
In fines, coment'est e comente no est, no isco comente, so resessidu, ca mi so nadu:  binco deo e no binches tue, a su compjute', mi so postu, e insomma,  accòmi torra inoghe a iscrier no s'ischit pro chie.
Bah, at a esser s'amigu Giuseppe Lendini chi m'at cumbidadu a abbojare a calchi lezione de limba sarda in s'Auser, insomma, inoghe semus torra.
Già est beru chi naran, nostalgia canaglia...e canaglia est de abberu si mi giamat poi de annos de selenziu.

UNU DICIU SA DIE:  Oh mama intendide, si torro no torro,si no torro torro.