Toccat de rispettare sa sensibilidade de ognunu.
Medas boltas mi paret chi nois sardos leamus luego fogu - unu pagu comente sos Germanos addainanti a s'esercito Romanu - e benimus leados dae sa "futta", chi poi diat esser sa "wut" germanica.
 |
| Simbolos de muvimentos politicos sardos. |
e duncas no podimus esser toptu che pare.
Puru in mesu a sas professiones m'at medas ispecializzaziones e paret chi unu no si faeddet e no si cumprendet cun s'atteru.
Su filosofu frantzesu Edgar Morin narat chi dognunu est zegu a sas rejiones de s'ateru. Ca dognunu est frimmu in sas bideas suas e no chircat de cumprendere s'ateru.
Nois sardos, mi paret, in custu semus ispezialistas.
E tando si cherimus fagher calchi passu addainanti diat esser mezus a tenner unu pagu piu 9n cunsideru sos ateros, ei sas rejiones issoro. Dae cale si siat parte.
Como, de m'abizo, chi sa pulemica politica in Sardigna est a sos livellos pius bascios de sos ultimos sessant'annos ei sa limba est tirada in pulitica solu pro interesse.
Deo tia narrere chi chie est interssadu abberu a sa limba e a sa cultura sarda si diat dever riconnoschere non in d'unu progettu politicu bettadu dae s'artu ma in d'unu progettu alternativu chi partet dae sa zente, dae su populu, dae sos faeddantes e iscrientes de sa limba.
Però, sa limba chena unu progettu politicu est aria fritta.
Sa limba chena una weltaanshaung est una cosa misera.
Sa limba chena unu cunsideru de sas persones e de sas bideas est un'impresa de pagos matzones.
Bos saludo, istademi 'ene, si podides, in cust' Italiedda caimanesca.
UNU DICIU SA DIE PRO MELEDARE: sa cosa mi paret bene remonida e male chircada.
Nessun commento:
Posta un commento