GIA' FIT ORA! RATIFICADA SA LEGGE EUROPEA SUBRA SAS LIMBAS MINORITARIAS

Thathari, su 11 de Martu Dumizas e doighi

GIA FIT ORA!

CUN VINTI ANNOS DE RITARDU POI DE S'EUROPA (20-VINTI ANNOS) 

RATIFICADA DAE SU GUVERNU MONTES SA LEGGE EUROPEA DE SU 1992

DE TUTELA E VALORIZZAZIONE DE SAS LIMBAS MINORITARIAS.

A DURU DURU A su guvernu economista de su primu ministru Super Mariu 'e Montes.

A su nessi,  daboi de vinti-annos-vinti dae sa legge eurpea de tutela e valorizzazione de sas limbas minoritarias su guvernu italianu a cand'a s'ultimu s'est dezisu a fagher cussu chi no est bistadu fattu dae sos berluscones-gnam-gnam  e dae sas murtadellas de sinistra.

Super Mariu De Montes

Sa notiscia est betza de duas dies, ma nois de su blog in limba semus latrangosos meda,  ma arrivimus su matessi.

A narrer sa veridade su guvernu italianu aiat già approvadu in su 1999 una legge de tutela e valorizzazione sa n. 482 chi recepiat sas indicassiones de sa legge europea ma puru custu passu formale est importante, primu ca semus in Europa, e segundu ca est unu signale de mannesa.

Podimus narrer in finis chi sa pulitica italiana no timet pius sa limbas de sos populos chi faghen s'Italia. Est già calchi cosa.

Custu no cheret narrer chi como amus coladu totu sos problemas. 

Mancu pro sonniu.

Pro bos fagher unu esempiu piticcu piticcu in domo nostra sa Universidade de Thathari est aisettende chi sa regione li mandet su inari pro fagher sos cursos de limba sarda ei sa regione no bi los cheret mandare cun d'unu milione de iscujas ca nachi sa Univesidade de Thathari no cheret insinzare in limba ma in italianu!

Como - a prescindere - comente naraiat Totò chi fit omine pius seriu de medas puliticantes e amministradores sardignolos, ma proite sa Universidade Thatharesa chi bi tenet tantu ai custos cursos no los cuminzat e faghet cun su inari sou? O chena inari?

A mie mi paret chi de sa limba sarda no nde l'impippat meda nè a s'Universidade nè a sa regionedda sarda. O nono?

In s'impertantu Marieddu at frigadu totu in gujva ei como sa regione est meda pius indaisegus de s'Italia. 

A duru duru Marieddu, l'at nadu su babbu.

NARAT DU DICIU: Dogni cosa a tempus sou ( e ite sun vint'annos addainanti a s'eterno riposo?)