SOS 4 MOROS A DOLORE DE CONCA

Thathari, du doighi de Santu Gaine, duamizas e undighi


Unu simbulu populare male trattadu.




Sos simbulos sun sinnos, archetipos potentes, de identidade collettiva e nisciunu si nde diat mai appadronare impreendelos comente chi fin proprietade privada.


Cussu chi puliticos, istoricos revisionistas e astroligos culturales no an galu cumpresu: s'importanzia de sos simbulos (pro defendere sos simbulos sa zente si faghet bocchire).

Logo de su situ de sa Regione Sardegna

A bos l'imazinades sa stars and stripes - sa bandela americana, oi sa Union Jack , sa bandela inglesa, mudada dae su primu chi pigat a Downing Street, 10 o a sa White House? A bos l'imazinades? Beh, in Sardigna semus bistados capatzes puru de bortare sa cara a sos battor moros. Iscur'a nois.


Nisciunu - nemmancu sos politicos, mandados in sa Regione a nos rapresentare TOTU ana su dirittu, aìana su dirittu,  de mudare sa bandela de sos sardos. 
Sos istoricos revisionistas chi naran chi son simbulos no an pius importanzia no an cumpresu nudda ne de su mundu ne de comente arrejoan sos omines. Sos simbulos sun meda pius importantes de totus sos papireddos iscrittos dae sos istoricos e politicos revisionistas. 




Sos simbulos sun de totu: niune los podet toccare chena s'autorizzazione de su populu. Oius de totu tian aer su dovere morale de si l'ammentare sos puliticos cadreones, de dresta e de manca.


Foltuna chi si sun limitados a sa bandela e ana lassadu su gonfalone ei su logo de sa Regione. ma devet essere o chi lis pariat troppu, o no b'an pensadu chi sos simbulos sun in dogni logu e a los ciambare totu lis beniat propriu male.


Custa cosa est unu pagu Orwelliana, ma sos sardos sun zente pacifica, e digilini totu in silenziu, pro no disturbare sos manovradores.

S'istoria de custu post.

Annos faghet, lezende unu numeru de una rivista regionale o provinziale no m'ammento - pagada cun dinari nostru, insomma - m'incontresi pro sa pirma 'orta cun sos 4 battor moros bortados a dresta. No bos naro s'ispaventu. E dae cando in cando mi so nadu? E inue che fia deo cand'e st sutzessu? E chie l'at fattu? E proite? E cando? E coment'est suzzessu?

Mi pariat chi m'aian mortu unu parente. Aiana mudadu su simbulu de TOTU SOS SARDOS chena mi dimandare nudda! A mie, zittadinu de Sardigna, elettore, de sinistra - manca - puru. Sa giunta de sinistra-manca m'aiat fattu custu ischelziu sinistru.

MI so documentadu e pro unu pagu apo apidu s'idea de iscrier a sos giornales, a sa Nuova, a S'Unione, pro protestare, chi sos simbulos sun de TOTU, no si toccan, niune si devet azzardare a los toccare chena preguntare a sos meres, su populu.

Appustis, sa vida nois trazat a chistiones pius urgentes de  sas pulemica cun sos puliticos de sa corte nostra, e passat ora passat puntu, sa cosa est finida in su dimenticatoio.


Poi, in custas dies, ghirende peri su web in mesu a sos sitos sardos, pro more de custu blog, apo idu torra medas simbulos de sa nazione sarda, bortados unu pagu a manca e unu pagu a dresta,  ei sa cosa m'est torrada a conca de protestare contra ai custu furto de immagine colletiva. Bi diat aer de si 'ortare a su tribunale internazionale.


Sos battor moros a dolore 'e conca. S'istoria de unu giramentu 'e cara.




Ell'e proite sos battor moros dian essere a dolore 'e conca?

Una Comica de Benito Urgu

Beh, a giudicare dae sos giramentos de cara - dae manca e dresta e dae dresta a manca- de sas ultimas decades no an'aer su dirittu de esser unu pagu imbaddinados?


No ana a esser a dolore e conca a furia de ghirare sa conca a dresta e a manca a segunda de sos tempos e de sos puliticos? No lis at a esser bennidu calchi addighinzu?


Ma, comente si narat oe, cun d'unu tormentone italicu-televisivu, a sos 4 moros, sos colzos, lis est suzzessu di tutto, di più.


Una istudiosa, Barbara Fois,  iscriesit unu liberu subra sa bandela de sos battor moros : lo stemma dei Quattro Mori, breve storia dell'emblema dei sardi, Delfino, (Sassari, 1990) chi poi istesit puru regaladu dae sa Nuova coment'e supplemento, i' su 1994.

Ma forsis no totu ischin coment'est andada custa affazenda de su giramentu 'e cara (forsis de calchi atera cosa) de sos battor moros. E tando faghimus un pagu 'e istoria.

A cal'ala abbaidaian sos battor moros apprimu de sa rivoluzione culturale de su 1999?

1370-1386        stemmario de Gelre                                            a manca
1291 sigigliu de Alfonso II                                                           a manca
1401 sigigliu de Martine I                                                            a manca
1610 anales de la corona de Aragon                                            a manca
1640 Giovanni Sansonio                                                              a manca
1773 Pharmacopoea sardoa                                                        a manca
1591 Capitoli di corte stamento militare                                        a dresta
1842 moneda de 5 citos                                                               a manca
1928 Bellieni                                                                                a manca

Oh, in settighentos annos - 700 - una 'orta solu si sun bortados a dresta.

E oe?  como comemt'est sa sistuazione?  Faghimus unu giru:


BANDELA A PRIMU DE SU 1999                                                     a manca

Sa bandela de su "cunnottu", a primu de su 1999.

BANDELA "RIFORMADA" 1999                                                                a dresta rughe rusja russa

BANDELA DE SU 2005                                                                               a dresta rughe ruja mezzana

Situ  istituzionaleRegione Sardegna                                                     a manca

Gonfalone Sardegna                                                                          a manca

Birra Ichnusa                                                                                   a manca                                                                          

Unu gingiri de birra Ichnusa, sa birra sarda cun meres de Milanu.

PSDAZ                                                                               a manca

Simbulu de su Psdaz- Fonte Federazione di Cagliari 

Brigata Sassari                                                                     a manca

mi paret giustu a congruere cun sos battor moros pius simpaticos de totu , custos

chi abbaidan a manca e a dresta gai no brigat nisciunu.

Simbulu de su muvimentu sardu gay-lesbicas, fonte su situ ufitziale.

Ite podimus narrer?

Sa cosa mezus pro sos poveros battor moros est de si buffare una birretta - un birroncino - come direbbero nei paesi  segundariamente de si leare una bella aspirina pro su dolore e conca.

Perela finale? A l'ischides chie at giradu sa conca a sos battor moros? Sa giunta de manca. Nono? Emmo, controllade. Zente mia, sa giunta de manca at bortadu  adresta sa cara de sos moros chi fit bistados settighentos annos a manca.

Ad a essere o no ad a esser unu sinnu de su chelu? Portentosu sinnu! Meraculu.

Frimmadu Palomba est su decretu. Bravos, sos de manca, azis fattu propriu una cosa giusta, na b'at che gai. Sos cumplimenos mannos de totu sos sardos. Sighidela goi.
Zeltu su dolore conca devet esser bennidu mannu puru ai cussos chi l' an pensada custa pensada cun totu sos malannos chi giughiat e giughet sa Sardigna.

Bah, no ba't de si la leare, sos sardos sun fattos gasìe, no appuntan in logu, oe a manca, cras a dresta, barigadu chie l'ischit?

Sa bona educassione est de chie l'at, e gai e totu sa conca a postu.

Saludos.
P.S.  
Medas sitos chi amus consultadu pro custa breve chirca giughene su matessi contu de sos fattos, chi est su matessi de Wikipedia: no est chi pro mandronìa damus totu sa matessi versione de sos fattos, cussa chi faghet pius comudu?

Sigomente a nois de sa versione de comudu no nos interessat nudda, bo la faghimus leggere su matessi, gasìe bos rendides contu cal'est su livellu de s'informazione,a cuminzare dae sas cosa piticcas piticcas comente sos simbulos (naradelu a Carl Gustav Jung).

conclusione : MITOLOGIA DE UNA RIVOLUZIONE ANTROPOLOGICA

"Una apposita legge regionale nel 1999 portò, dopo studi approfonditi,  (sottolineadura mea) a cambiare la bandiera dei Quattro Mori dalla versione del Regno Sardo-Piemontese a quella che orna tuttora un quarto dello stemma d'Armi della Provincia spagnola di Aragona, con i Mori opposti all'inferitura e con la benda che non copre gli occhi (significato: i Sardi non devono più guardare e piangere, senza dimenticare, il passato ma pensare a costruire un futuro migliore per la Sardegna)" (fonte : Wikipedia, e medas ateros sitos, tale e quale; ispessie de copia e incolla mi paret...).

Deus salvet su Re.