Sa comunicassione i' su blog.

Zeighu (Tergu) Abbadia de Nostra Segnora. (Foto: N.B.)

Arrazze 'e cosa curiosa e serendipitosa.

Custu blog at solu una deghina e dies si podet narrer, ca pro duos annos nd'aìa perdidu sas transas. Pubblicare unu post a sa die est diventadu guasi una esigenzia.
E ti dimandas: e meda zente b'at aer intradu? E sos lettores sempre tres sunu? (emmo!)

Ei sos commentos? sempre a zero? (eya!)

E cando l'iscries un'articulu subra e cuddu tema? - Già l'iscrio.

E no bi la pones una fotografia in cuddu post de Antoni Cuccu? Già la ponzo.

E proite no ti organizas sos articulos in categorias? (lu so fattende...)

Insomma, a la narrer tota, a l'ischides ite mi apo assimizadu sa pubblicassione de unu blog?

Apo pensadu poi de pagas dies: custu blog, si no mi paret una ispessie de TAMAGOTCHI,
si no lu curas dogni die, e si no li das a mandigare, si ammalaidat e si che morit...

No solu, comente a su TAMAGOTCHI - e finas unu paghizeddu de pius - ti affetzionas ai custu blog comente a una criaduredda.

E gai, donzi die, toccat de li dare a mandigare ai custa ispessie de TAMAGOTCHI de su 'elu de su web.

Su tamagotchi (ou-rellozu)

Mah, a nos bider sanos.