CURSU DE LIMBA SARDA, 3

Thathari, su vintisette de Santu Gaine, 2011

CURSU DE LIMBA SARDA ON LINE

Unidade de imparu sa 'e tres.

Attividade 1 . comunicassione

medas bortas sa dimanda in sardu cuminzat cun "e" comente a leare torra s'arrejonu. 

Abbaida e legge inoghe sutta.

E comente ti mutis?                                                       

E cantos annos tenes?

E fizu de chie ses?

E de sos cales ses?

E inue abitas?

E de ue ses?

E fizos a nd'as?

E cojuada ses?

E meda bos imbarades in bidda?

E como, cando che torrades?

Eserciziu:

Proade a rispondere in sardu ai custas dimandas, sa orta chi enidi bos damus sas rispostas.

attividade 2

SA GRAMATICA DE SU LOGUDORESU

SU LUMENE/ SU NOMENE

OSSERVA:

sa domo                  sas domos                                             casa

sa janna                  sas giannas                                           porta

sa femina                sas feminas                                           donna

sa pitzinna              sas pitzinnas                                          ragazza

sa tanca                  sas tancas                                             chiuso (s.) , terreno chiuso

sa mama                 sas mamas

osserva como

su poddighe             sos poddighes                                        dito

su carru                   sos carros                                              carro

su mastru                 sos mastros                                           maestro

su rellozu                 sos rellozos                                             orologio

su fizu masciu         sos fizos mascios                                     figlio maschio

su liberu                  sos liberos                                               libro

sos primos sun lumenes femininos

sos secundos sun lumenes masculinos

attinzione como ai custos:

s'acca                       sas baccas                                              vacca, mucca

s'adde                      sas baddes                                               valle

sa 'ucca                    sas buccas                                              bocca

sa 'idda                     sas biddas                                              il villaggio, la cittadina

su 'entu                    sos bentos                                               il vento

s'attu                        sos battos                                               il gatto

sa consonante iniziale b in su singulare poi de s'articulu est medas bortas muzziga ( no est pronunziada)

però, ateras bortas no si podet falare

sa balza                       sas balzas

sa barca                      sas barcas

sa bae                          sas baes

sa buscia                      sas buscias

Proite custu galu no l'amus cumpresu ma est de nezessidade un'afazzenda de etimologia e de fromassione de sa paraula. Cheret narrer chi probilmente custu fattu dependet dae ite cheriat narrer sa paraula madrighe o forsis dependet dae sa limba mama de sa paraula o dae su periudu in su cale sa paraula est bintrada in sa limba sarda.

Nois semus pius avvesos a pensare chi dependet dae sa etimologia.

Comente si faghet a pronunziare 'ene custas paraulas? 

Bisonzat de imparare su singulare ei su plurale umpare cun s'articulu, separatemente, a man'a manu chi abbojades sas paraulas in su faeddu.

Beh, pro oe bastat gai.

A nos bider sanos. Istademi 'ene.

UNU DICIU PRO MELEDARE. Chie no est bonu a nde fagher est bonu a revidere.