Visualizzazione post con etichetta Ecologia limbistica.. Mostra tutti i post
Visualizzazione post con etichetta Ecologia limbistica.. Mostra tutti i post

mercoledì 2 novembre 2011

Su documentu de s'Universidade de Thathari: parte segunda.

Thathari, su duos de Sant'Andrìa, duamizas e undighi.

ECOLOGIA LIMBISTICA

SU DOCUMENTU DE SA UNIVERSIDADE DE THATHARI, 
parte segunda.




Thathari: sa facultade de Litteras e Filosofia.






Finimus cun custu post sa sintesi de su documentu de sa Universidade de Thathari subra a su Piano Triennale (PT) de "promozione e valorizzazione della cultura e della lingua sarda" de sa Regione Sardigna.


Su documentu, a pustis de aer denuzniadu sos males pius mannos de su Pianu Triennale (PT), avanzat undighi osservaziones in particulare.


Su pianu, naran sos professores, est pienu de ismentiganzias, de omissiones, interessadas o pro disinformazione: si si faghet unu questionario sociolimbisticu no si poden narrer sos datos chi nos piaghen e costoire cuddos chi no nos piaghen: tantu pro fagher un esempiu sos giovanos cunsideran su sardu una limba rustica e no nde cheren s'intesa de l'imparare.


Segundu fatu, sa situazione geolinguistica e sociolinguistica de su sardu, differenziadu in su terretoriu " a macchia di leopardo" cheret interventos differenziados a segudna de su terretoriu, narat su documentu ( e inoghe si podet essere pius o mancu de accordu ca una pulitica unitaria bi cheret,  puru si in d'unu segundu momentu si potat diferenziare).


S'impressione, sighit su pabiru, est chi sa regione cherzat ammanizare su terrinu pro difundere sa LSC chena tenner in contu sas diferenzias territoriales.


In su documentu de su PT regionale sa LSC - a sa cale sa legge dat limites de utilizzu precisos-  est cunsiderada e presentada comente limba istandard de totu sos sardos. E chie l'at dezisu? E cando? E comente? E cun cale dirittu?
(Sa limba de impreare lu dezidit sa zente no sa legge. A mancu chi no semus torrados a s?inghilterra de sa gherra de sos chent'annos cun sa Franza, cando sos inglesos ponzesin a banda su Franzesu in sas coronas de logu e adottesin su middle English in odiu a sos Franzesos).


Sas puliticas limbisticas pius aggiornadas faeddan de pari dignidade de totas sas variedades.


E poi su documentu torrat a avvertire chi toccat de reconnoscher pari dignidade a S'Aligheresu, a su Tabarchinu, a su Gadduresu (Còssu) , a su Thatharesu.


In  su puntu e battoro su documentu faeddat de sa risorsas economicas pro sa tutella de sa limba, e narat chi mentras chi a sas istituziones pubblicas comente iscolas e universidades lis dana una miseria, sa regione at dedicadu DUGHENTOS BARANTA MIZAS EUROS in tres annos pro fagher una Carta de sas minorias limbisticas de sa Sardigna, (chi si cumprendet bene, at a servire subra e tottu ai cussos matessi chi la deven faghere e niun'attere). Sende chi cartas limbisticas bi nd'at pro bi nd'aere.


Thathari: Sa sea de sa Banca d'Italia.
In su puntu de chimbe s'Universidade denunziat chi se cheret faghere puru unu dizionariu normativu de sa limba sarda in LSC, custu diat faghere su processu de usu de sa LSC irreversibile, mancarri puru un'opera gai diet resultare utile.
Sos campidanesos, pro fagher un'esempiu sun cuntrarios meda a sa LSC - chi est una variedade logudoresa-nuoresa, e s'ana fattu impresse sa issoro LIMBA COMUNA CAMPIDANESA. (e ana fattu 'ene, a bisu nostru).


Poi, a su puntu 'e ses, si narat chi sa Regione cheret fagher puru d'Atlante Linguistico Multimediale della Sardegna (ALIMUS) . Una cosa gai esistit già. la faghet s'universidade de Berlino e dita essere un'innutile doppione.


A su puntu e sette si criticat sa centralizazione de sa pulitica limbistica chi no tenet in perunu contu sas esigenzias limbisticas reales de su terretoriu, mentras logudoresos e nuogoresos an'apidu pagu e protestare (ca sa LSC assimizat meda a s'issoro) sos campidanesos sun arrabbiados meda ( e tenen rejone).


In su puntu 'e otto si ponet comente fundamentale su priblema de sa preparazione, qualificazione e certificazione de sos operadores limbisticos, e faghet allarmare su pressapochismu de sa regione cando faeddat de "realizzazione di graduatorie regionali (comente a sos supplentes de iscola?) in collaborazione con i comitati della lingua sarda (e ite sunu? e inue sunu? e chie los at eligidos?


Su PT de sa regione - denunziat su documentu thatharesu in su puntu de noe - "prevede il sostegno a istituti privati per la formazione degli insegnantie/o degli operatori linguistici" su rechisidu pro custos futuros insinzantes e operatores at a esser chi "dimostrino una documentata e continua attività nel settore da almeno tre anni". Unu criteriu goi, narat su documentu, no narat nudda subra sa galidade e subra sa certificazione de sa galidade.


"non è possibile operare con tanta leggerezza e approssimazione in settori tanto delicati come quello della formazione degli insegnanti" congruit su documentu.


In su puntu e deghe su documentu narat chi su Pianu Triennale giamat in appoggiu sa pulitica limbistica de atera s regiones italianas comente bona pratica de sighire, ma ismentigat de narrare sos fallimentos de cussas "bonas praticas" cando ana tentadu de imponnere unu modellu unicu limbisticu-burocraticu.


In su ultimu puntu - su e undighi - su documentu de Thathari denunziat chi se cheret dare inari a premios literarios e poeticos, gara a bolu e goi sigehnde e non s'istanziat unu francu pro sa regolta, cun metodo, de totu su corpus de sa limba sarda (in totas sa variedades, agiunghimus nois).


Sas conclusiones de su documentu meritan de esser battidos in s'originale pro s'energia chi ana de una coriale giamada a su sensu de responsabilidade de chie at su potere puliticu:


"...La conduzione degli interventi di politica linguistica attuati in Sardegna suscita notevoli perplessità e corre il rischio concreto di produrre gravi disfunzioni. Il dato centrale dal quale occorrerebbe partire è che non esistono modelli preconfezionati, validi per ogni realtà: la Sardegna, con la sua ricchissima articolazione linguistica, con la variegata presenza di minoranze interne, con la sua storia culturale, merita un modello che nasca dall'interno, democratico, aperto alle proposte, che si costruisca con gradualità attraverso il dialogo con la società civile, con le istituzioni accademiche e culturali e non attraverso imposizioni idealistiche, talvolta violente nei confronti dei dissenzienti, di una qalsivoglia minoranza militante non sempre adeguatamente titolata e competente, la cui credibilità nei confronti dell'opinione pubblica andrebbe, per di più, attentamente verificata. Questp pare avebnire nel silenzio quasi totale degli uomini politici responsabili".






Insomma, su documentu congruit nende chi sa pulitica limbistica est materia delicada meda, chi no si podet imponnere dae s'altu, chi sa soziedade zivile devet esser giamada a contribuire cun bideas e propostas, chi bi cherete dialogo, chi sas istituziones academicas deven esser cumbidadas in su dibattitu, chi una minoranzia de militantes (puliticos? limbisticos? puliticos-limbisticos-affaristas?) no podet cundizionare su tempus benidore de sa cultura e de sa limba sarda in foras de sa soziedade zivile chi pretenden de rapresentare.


Thathari: sa facultade de Limbas Furisteras.































mercoledì 26 ottobre 2011

SU DOCUMENTU DE S'UNIVERSIDADE DE THATHARI


Thathari, su vintises de Santu Gaine duamizas e undighi.

Thathari: S' Universidade Zentrale.
SU DOCUMENTU DE SA UNIVERSIDADE DE THATARI.

S’universidade de Thathari abbovat sa pulitica limbistica de sa Regione, cuntrestat sa indipendenzia sua e cheret esser fatta palte de sas dezisiones.

Su documentu de chimbe paginas est frimmadu dae su rettore de s’Universidade de Thathari Attilio Mastino, dae su preside de sa Facultade de Litteras e Filosofia de s’Universiade de Thathari e dae Giovanni Lupinu, Dino Manca, Carlo Schirru e Fiorenzo Toso de sa Commissione de s’Ateneo subra sa Limba Sarda.

Su documentu constat de sette osservassiones generales, de undighi osservassiones particulares e de una conclusione pro unu totale de degheotto osservassione a parte sa congruida.

Su documentu est una critica serrada a su Pianu Triennale de sa Regione Sardigna e a tota sa pulitica rezente de sa Regione in materia de limba sarda, de sos suggettos chi si occupan de limba sarda, de sa maneras de sos finanziamentos e de iscassos controllos subra sos finanziamentros matessi.

A bisu nostru est sa prima ‘orta chi sa Universidade de Thathari ispressat cun fortza sas riservas suas subra e sa pulitica regionale in materia de limba e de cultura.

Ma andemus cun ordine.

Su primu puntu de su documentu crititicat sa velleidade de su legislatore de cherrer ischirriare sa limba dae su cultura. Custa est un’operassione chi no esistit,  narat su documentu:  sa limba esistit in sa cultura e no si podet dare s’una chena s’atera. Sa pretensa de sa Regione de calare sa limba sarda in sa modernidade chena tenner contu de sa cultura chi lis dat sa vida est unu nonsense, una fortzadura: “a sos ojos de sos faeddantes – narata su documentu – sas limbas locales, chi si identificana primariamente cun sa propria variedade dialettale e non cun d’un’istandard faladu dae s’aera, sun ligadas istrintas ai cussa cultura tradissionale chi si diat cheret barigare in d’unu brincu”
Thathari: sa Cattedrale de Santu Nigola.

Segundariamente – narat sempre su documentu de s’ateneo Thatharesu- su Pianu Triennale (dae como innantis PT) cunsiderat sa variedade de sas limba regionales unu fattu negativu e chi custa cosas no tiat esser “normale”, a su contrariu custa variedade est unu fattore di ricchesa e no de impoverimentu ca sos valores positivos de sa cultura locale sun veiculados propriu da cussu ispecificu dialetto de sos faeddantes in su cale bivet sa limba e sa cultura.
E tando,  congruit chena cumplessos de inferioridade su documentu: “promuovere una limba istandardizzada monolitica chi ignoret sas ispecialidades locales e su sentidu de sos faeddantes paret “operazione deleteria di dirigismo linguistico”.

Un’atera osservassione est chi su PT giamat sa Legge Regionale 26 de su 97 (sa legge Regionale de tutela e valorizzazione de sa cultura sarda) comente “ormai vetusta”. No solu sa legge est sa legge de sa Regione ma est una legge “estremamente avanzata e pienamente valida”, e in particulrae est importante suttulineat su documentu “s’abeltura ecuilibrada a titas sas variedade locales e sa valorizzazione de sa camedda intr’e limbas e culturas de sas minoranzias sutta tutella.
NO solu sa legge sarda de su ’97 est pius avanzada de sa legge nazionale italiana 482/99 chi constituit diffattis “un’incaccettbaile discriminazione per settori consistenti della popolazione sarda”, esclusos dae sa tutella prevista a livellu nazionale.
Su documentu fagher riferimentu in palticulare a sa limba gaddures, thatharesa e tabarchina e puru maddalenina.  S’Universidade de Thathari no podet cunsiderare segundariu unu fattu gasìe importante cando in su terretoriu sou b’at areas limbisticamente diversas definidas in su documentu “linguisticamente non sarde” comente s’aligheresu, su thatahresu, su gadduresu (còssu), su maddaleninu.

E gai narat su documentu: un’obiettivu de su PT finz’ai como de totu assente est “un’abbeltura giara e neta a sa pari dignidade e su pienu riconnoschimentu de totas sas variedades locales internas de su sardu “anche nell’ufficialità” e de barigare calesisiat “discriminassione formale e sunstanziale contr’a sas minoranzias internas”.

Sos professores de Thathari si preguntan a pustis cales sien sos trastes de monitoraggiu de sas aziones de pulitica limbistica de sa Regione Sardegna. A parrer issoro paret chi cussos chi deven esser valutados cherzan valutare issos matessi cun abbojos (sa cunferenzia annuale) pagu o nudda incisivos.
Toccat assolutamente de iscongiurare “l’autoreferenzialità e la creazione di una categoria di professionisti della lingua sarda che, sotto la direzione regionale, si riproduca comente una (mala) mata”.

E gasìe mancu sos zittadinos oe ch’est oe ana niuna possibilidade de controllare cun trasparenzia sas ispesas de sa pulitica limbistica de sa regione e sos suggettos e sos esitos de sas iniziativas finanziadas.

Su documentu sighit poi a faeddare de su ruolo chi sa Regione at attribuidu a sa Universidade, unu ruolo inazzetabile, subordinadu, de esecuzione, arrivende addirittura a ponner in s’orijia de sas Universidades “sas istrategias didatticas de impreare”. No diat esser mezus meda a cumbidare sas universidades a dezidere umpare a sa regione sos obiettivos de pianificazione limbistica, rispettende s’autonomia didattica e isceintifica de sas Universidades matessi? - si dimandat su documentu.

Pro finis, no si cumprendet cale tiat esser su ruolo de sa limba sarda comuna – cando su valore legale de sos documentos regionales est cussu in limba italiana – e cando s’obiettivu de una pulitica limbistica cun cabu est cussu de aumentare s’impreu faeddadu de sas limbas minoritarias. (FINIS DE SA PRIMA PUNTADA)

Thathari: Palatu Ducale, sa sea de sa Comuna.


Sigomente no  mi cherzo e no bos cherzo ‘occhire cun sa pubblicassione de totu su documentu in d’una ‘orta, mandamus torra a un’ateru post intro ‘e chida su finis de su documentu de sa Universidade de Thathari chi a parrer nostru est una pietra miliare de una pulitica limbistica digna de custu lumene.

UNU DICIU SA DIE PRO MELEDARE: medas limbas sabidorìa.

martedì 18 ottobre 2011

Ecologia limbistica: it'est.

Thathari, su degheotto de Santu gaine, duamizas e undighi


ECOLOGIA LIMBISTICA: unu cunzettu nou pro una pulitica limbistica chi tott'induna paret betza de chent'annos. Mudare sa manera de pensare su mundu e sa s relaziones pro imparare su rispettu de s'omine e de sas sensibilidades anzenas. 
Torrare a su connottu de sabidoria e de una soziedade democratica abberu, in s'azione e in sas pratigas, no a paraulas.



Gregory Bateson, filosofo americanu.
Chelzo torrare oe subra 'e unu cunzettu chi m'est caru meda e chi - a bisu meu - calicunos guru de sa limba sarda chi dian cherrer imponnere SURRETIZIAMENTE sa weltanshauung issoro a totu sos sardos de Sardigna no nde suspettan - a giudicare dae cussu chi naran e iscrien - mancu s'esistenzia (ma si podet dare puru chi, connoschendelu, si nde duritten de nde fagher fentomu).

B'at una cosa - a bisu meu - chi sos puliticantes sardos - e no solu - de oe, no an cumpresu. Chi sa zente cheret e dimandat rispettu de sas sensibilidades de ognunu.

Unu puliticu - o un'intellettuale - chi no at cumpresu custu no at cumpresu meda. Sa zente est istracca de imposiziones dae s'altu, dae sos pagos illuminados chi cheren insinzare a sos ateros comente la deven pensare e comente deven mandigare e comente deven faeddare.
Comente deven bivere s'una vida chi ana a disposizione.

Edizione italiana de s'opera
pius famosa de Bateson.
In custu sensu nois faeddamus de unu conzettu nou, mutuadu dae su cunzettu de ecologia della mente de su filosofo americanu Gregory Bateson (Verso un'ecologia della mente) - istudiosu de antropologia, de teoria de s'informazione e de cibernetica, attivu  in su gruppu de Palo Alto de su cale faghiat parte puru Paul  Watzalawick (Istruzioni per rendersi infelici, Pragmatica della Comunicazione Umana): custu cunzettu est cussu de ecologia limbistica.


Ecologia limbistica :chircamus de lu pretzisare.

Comente oe faeddamus de ecologia de su terretoriu, Bateson faeddat puru de ecologia della mente, est a narrer de una cumprensione noa e rivoluzionaria de sos modos chi s'omine modernu bivet sa relazione sua cun su pianeta, s'ambiente, su sistema de vida de sa terra, sas relaziones cun sos ateros.


Arga in Napoli.
In custu sistema totu est cullegadu e sa parte influenzat su totu. S'omine no si devet cunsiderare separadu dae sa terra, dae su pianeta, dae s'ambiente, ca de custa manera su destinu sou est sa distruzione de sa terra, de su pianeta, de s'ambiente.
Sa distruzione de isse matessi.
Comente naraiat cuddu capu indianu in su 1800 e passa: bois biancos azis a essere carralzados e interrados dae s'arga matessi chi produides. 


Chi poi est cussu chi at contadu unu grande Stefano Benni in su romanzu sou bortadu in sas limbas de mesu mundu: "Terra!".
Stefano Benni
(foto, dae Libramente, RSI.ch, radiotelevisione isvizzera)

Paul Watzlawick.
Si faeddat puru, oe, de ecologia culturale, de diversidade culturale, de salvaguardia de sa diversidade: e proite totu custu no diat esser beru puru in sa campu de sas limbas minoritarias, de sas limbas de sos terretorios, de sas limbas de sas biddas?

No semus forsis in presenzia de una nezessidade de salvaguardia de sa diversidade limbistica?
No amus forsis unu muntone de dialettos de su sardu in perigulu de esitinzione?
No semus addainanti oe a sa nezessidade de una salvaguardia de sa molteplicidade limbistica de sos sardos?

No est forsis su casu de faeddare de ecologia limbistica, comente faeddamus de ecologia territoriale, ambientale, animale, culturale?


Ecologia della mente cheret narrer custu in paraulas poveras: s'omine in s'ambiente est su sistema, s'omine + s'ambiente, no s'omine a sa sola, ischirriadu dae sa'ambiente.

Una ecologia della mente cheret narrer a modificare, ciambare, mudare su pensieru matessi de sos omines, chi est betzu, pienu de errores, zegu,  fattu de rispostas stereotipatas, automaticas, abituales, istintivas, pagu meditadas e male pensadas.

A sa pulitica su chi est de sa pulitica a sa sotziedade zivile su chi est de sa sotziedade zivile.

Est beru chi sa pulitica est su logu de sa s detzisiones puliticas.
Ma sa pulitica devet agire in s'intreressu de sa zente no in s'interessu de gruppos e lobbies. In manera particulare cando sunu in discussione sos simbulos - sa bandela, sa limba, sa cultura - sa pulitica devet fagher unu passu indasegus e iscultare sas preguntas ei sas dimandas chi benin dae sa sotziedade.

Sa pulitica no podet dezidere cal'est su bene de sa sotziedade. Custu suzedit in sas sotziedades totalitarias. In sas sotziedades democraticas sa pulitica rispondet sempre de sas dezisiones suas e si sa zente no est de accoldu sa zente matessi che los bogat dae sas cadreas in ue si sun settidos.


A su matessi tempus sa sotziedade tzivile, s'iscola, sas universidades, sos zittadinos si deven leare sa responsabilidade de fagher sa parte issoro, chi sa pulitica, su potere, sa burocrazia si chircat de mandigare dogni santa die.


Si sa sotziedade zivile est latitante sa pulitica s'allargat che i sa tacca e s'ozu, si leat gallabìa e andat a ischiscione.


Accò pruite sas responsabilidades de sa situazione penosa de sa limba sarda sunu bene partidas intro sos ritardos de sa pulitica e sos ritardos de - sa naramus gai -  intellighentzja.

In su casu poi de sa situazione sarda b'at de aggiunghere umpare cun sa pulitica e s'iscienzia universitaria sos intellettuales urticantes chi appenas li faeddas de limba e de cultura locale li enit s'orticaria e su rattighinzu ca sun gai assuconados dae sas cosa chi non connoschen chi intran in panicu e bortan su cherveddu i' sos giornales filo-cuntinentales.

Pro finis, sa situassione est cumplicada meda dae sos cumportamentos pagu giaros e pagu ischidos de sos partidos goi nados sardistas o indipendentistas chi puru chi 'udin de medas simpatias no sun bistados mai capatzes de istudiare abberu sa chistione de sa limba.


No est pius su tempus de imposiziones puliticas bestidas de pseudo-iscienzia.


Chircare de imponnere a sos faeddantes una fromma unica de iscrittura coment'est sa LSC - chi, pro legge , no nos amus mai a istraccare de lu ripitere, est SOLU SA LIMBA IN USCITA DE SA REGIONE SARDIGNA PRO SOS DOCUMENTOS SUOS BUROCRATICOS - est a fagher una operazione PULITICA  chi no at nudda de limbisticu, chi no acciapat su appuntellu de sa populazione, chi no est aggradessida dae sa majorìa de su populu, chi respondet a FORZADURAS PULITICAS ben individuadas,  chi risponden a esigenzias de lobbies regionales chi esistin e chi faghen abolotu meda pro forzare sa manu, a sa faccia de sas sensibilidades divessas, chie esistin e resistin puru si no an su megafunu de sos burocrates regionale.
No est pius su tempus de imposiziones puliticas bestidas de pseudo-iscienzia.

Nisciunu podet imporre a sa zente una variedade subra a sas ateras. 
Sa limba est parte inalienabile de sos dirittos umanos de sa persone.

Ecologia limbistica cheret narrer chi - comente narat sa legge de sa difesa de sa limba e de sa cultura sarda -  dogni variedade at sa dignidade sua e nisciunu podet imporre una variedade subra a sa ateras.

Sa limba appartenid a dognunu. sa limba est de ognunu. Sa limba est parte integrante e inalienabile de sos dirittos de sa persona. Nisciunu mi podet narrer: tue deves faeddare, iscriere, pensare in sa limba chi ti naro deo.

Custa semplice, elementare veridade paret chi no isfioret medas concas chi cheren poner sos sardos a currer in sa limba issoro.

Sas Universidades de Sardigna sunu in ritardu mannu subra e s'inzinzamentu de sa limba sarda, secundu a mie pro mancanzia de iscienzia comente  de bona voluntade. Ma cussu chi deven faghere est rispettare sa diversidade, istudiare, insinzare sa diversidade limbistiga e educare a su rispettu e s'istediu de sa diversidade, chi est ricchesa no debilesa.
Sa regione fettat su chi cheret.

S'insinzamentu e s'imparu de una limba calesisiat - e su sardu no faghet nisciuna eccezione - cheret un'acculziu iscientificu de zente esperta in s'imparu de sas limbas furisteras, ca su sardu pro sa majorìa de sos sardos est comente una limba furistera e dae cue bisonzat de cuminzare.

S'insinzamentu de sa s limbas furisteras pussedit s'unicu bagagliu culturale, iscientificu,metodologicu, tecnicu, didatticu pro fagher s'operazione de take-off culturale e de galidade de sa introduzione de sa limba sarda, primu in sas universidades, e poi, solu a pustis,  in sas iscolas.

Su restu est volontariato, pratiche amatoriali, dilettantismo alla sbaraglio. Sos esempios sun sutta sos ojos de totu sos sardos.

Cun totu su rispettu pro cussos chi an batagliadu pro sa limba de sa regione, sa battaglia issoro l'an binchida. Sa regione at sa limba sua. bene, est sa bandela de sa regione sarda.
Unu liberu famadu de Watzlawick.

Ma cussa iscrittura no est e no podet esser - pro como - sa limba de sas Universidades  e de sas iscolas ca totu sas limbas de Sardigna an dirittu de esser istudiadas e contivizadas comente su grande siddadu de sos sardos e no est bellu, no est a modu , no est zustu chi calicunu, sutta sutta, pro interesses suos particulares, cheret forzare sa manu e sos sentidos profundos de sa zente.

A cumprender custu est a fagher ecologia limbistica.

Rispettu e contivizu de sas diversas sensibilidades de sa zente,. de su populu, chi est soberanu e male supportat sas imposiziones zentralistas de unu gruppu de militantes-puliticantes.

Su populu no est ne puliticante ne militante. Dimandat rispettu, sensibilidade, bonu sensu, riconnoschimentu, partecipazione.

Su restu est improvvisazione o cinismo, frittu calculu puliticu.

Sos tres lettores, istademi 'ene.

Deus (o chie pro issu, o sa cuscenzia 'ostra) bos accumpagnet.

UNU DICIU PRO MELEDARE: No est a si nde pesare chito, est a inzertare s'ora. (Non vale alzarsi presto, ma indovinare l'ora). Insomma, unu pagu de fortuna no guastat.





lunedì 17 ottobre 2011

Sa limba est sa bandela de unu populu, su simbulu prus altu.

Thathari, su deghesette de Santu Gaine, Duamizas e unidghi


SA LIMBA EST UNU SIMBULU NISCIUNE SI NDE PODET APPADRONARE, SA PULITICA PIUS MANCU 'E TOTU


Pintu de de Jan Juta pro sa editzione de su 1921
de Sea and sardinia de D.H. Lawrence.


"Il simbolo è un terzo tra due persone; in ogni caso è un segno riconosciuto dalle parti in causa che, essendo comune, non è proprio di nessuna di essa. Ciò che è di tutti, in certo senso, non è di nessuno in particolare. Il simbolo non si appiattisce e nessuno vi si può confondere. Solo così può svolgere i suoi compiti di unificazione, diffusione di fiducia, promozione di lealtà e di sentimento d’appartenenza. Se qualcuno se ne impadronisce, governandone i contenuti, inculcandoli come propaganda o come pubblicità nella testa degli altri, facendone così strumento di governo e di dominio delle coscienze, il simbolo cambia natura. Allora, può diventare strumento di trasformazione degli uomini in masse fanatizzate, può diventare il diapason del potere totalitario."  


(Gustavo Zagrebelski da La Repubblica, 12/04/2011
Un brano dell’intervento che il Presidente onorario di Libertà e Giustizia terrà giovedi 12 Aprile alla Biennale Democrazia sul potere “diabolico” di alcuni segni.)

NOSTALGIA

THATHARI , SU TRES DE LAMPADAS 2019 Nostalgia, est paraula grecana, cheret narrere, comente ischides tottu, dizizu de torrare an domo ...