Sardu neo-latinu? Puru custas paraulas?

Thathari su duos de Santu Aini, duamizas e undighi.


Unu grande ricercatore e istudiosu de etimologias Giovanni Semerano at dimustradu in s'opera sua Le origini della civiltà Europea, ammirada dae filosofos e pensadores comente Umberto Galimberti, Emanuele Severino, Massimo Cacciari e ateros, chi s'indeuropeu est una familia de limbas de origine semitica. 

Sas proas sunu tales e tantas chi sos indeuropeistas, pro no restare disoccupados preferin de lu isnobbare de su totu.  Radio 3 lis at dedicadu una trasmissione ispeciale, su Guardian inglesu lis aiat dedicadu un articulu già in su 1975, Repubblica si fit occupadu de s'opera sua cun 'unu articulu de Sergio Frau. Chie cheret cumprendere abberu s'origine de sa ziviltade europea no lu podet ignorare.

In cussu liberu Semerano ispiegat calicunas paraulas sardas: Gennargentu, da gin, monte, monte de argentu; gonnos, dae gonno, collina; e medas ateras.

Ma forsis chi sas peraulas quotidianas sighentes sunu latinas?

abolotu-abba-buliare-birare-attilibirke-zinzirriolu-zirriare-katrananka-iskakagliu-isteniare-kantaru-pinneta-mamuthone-maimone-petha-percia-lakana-kisura-ma'ummone-buza-burdu-abumbare-duru duru-tai tai-katraminciare-kadreddare-iskadriare-kukurusta-tuturru-muzzighile-miskinu-metzanu-intinnu-siggianteski-ichaluza-iskajumone-iscia-isckiscione-thathallìu-urguena-nurake-akoddi-isbarrare-isbarrizare-isbarratzare

pro nde narrer solu calicunas chi mi enin a mente a s'improvvisada?

Su problema no est su latinu. Su problema est tottu canta s'impostazione de s'indeuropeo chi at dominadu sas chircas limbisticas de s'ottighentos e de su noighentos.

Paraulas gai bi nd'at a mizas no solu in sa limba sarda ma in italianu, in franzesu, in ispagnolu, in portoghesu, pro no narrer de sas limbas germanicas, de s'inglesu, de sas limbas iscandinavas.

Pro no narrer de su bascu.

Bene, totu sas paraulas chi amus bidu subra ana una ispiegazione in sas limbas semiticas.

A nos bider luego.

Intrada 'e su sole subra Capocaccia.