Sa cunferenzia regionale annuale in d'un'agriturismu.

Thathari, su otto de Nadale, duamiza e undighi.

Sos logos de sos sonos.

Sa cunferenzia annuale de sa Regione Sarda subra sa limba sarda in d'unu agriturismu!





Santa Maria Iscorraoes.

M'azis a narrer chi cun tota sa crisi italiana, europea e de s'euro, occuparesi de sa chistione de sa limba sarda e de comente sos politicantes regionales cuan su problema sutta a su tappetto, organizzende tres dies de baldorias in d'unu agriturismu imbetzes de unu centro congressi abbertu a su pubblicu e a totu sos sardos,
est una chistione chi faghet a rier.


Mi nd'abizo e bos dimando iscuja. Ma leggende in sa Nuova sa notiscia de sa FANTASMATICA Cunferenzia Regionale Annuale subra sa limba sarda m'est bennidu unu pagu de dolore 'e matta.

Universitas Turritana.

Li devet esser parfida un'idea geniale ai sos burocrates de sa Regione Sarda a ammanizare sa Cunferenzia Annuale subra sa LIMBA Sarda in d'unu agriturismu de S'Alighera.


Idea geniale abberu, pro pagos amigos, chi sa giornalista giamat diffattis "esperti del settore", intr'e sos cales zitat Benito Urgu, su solitu Pillonca e ateros amantiosos.


Su populu sardu chi faeddat sa limba sarda e chi la tenet bia, restat in su balcone. Bene meda, sighidela gai.

Nachi cras in S'Alighera b'est sa CUNFERENZIA REGIONALE DE SA LIMBA SARDA. Deo l'apo ischidu  gai, pro casu, isfogliende sa Nuova Sardegna. In sa pagina de sa cultura un'articuleddu minore naraiat chi cras e barigadu in d'unu agriturismu de s'Alighera si tenet sa Cunferenzia Regionale de sa Limba Sarda.

Battor moros imbreagos.

Si giornale narat chi sa cunferenzia est dedicada a sa musica e a sa limba sarda e su sardu in sas iscolas.

Su giornalista narat chi s'annu passadu in totas sas iscolas de sa Sardigna b'at istadu 60 progettos. Chi cheret narrer nudda.

Cust'annu nachi nde dia n poder finanziare 120, nachi.

Como duas cosas mi enit de narrere.

E comente est chi sa Cunferenzia Regionale de Sardigna subra sa LIMBA SARDA si tenet in d'un agriturismu? No la podian tennere derettu in d'unu coile? S'agriturismu nachi si narat SA MANDRA, mi paret giustu. Est su logu de sos mandrones.

Chie ets bistadu imnvitadu? Ei sa populassione sarda, sos faeddantes, si fin bistados interessados a sa Mandra totu si che deven thuccare?

Su mazzuccu de s'accabadora.

Nachi bi sun sos rettores de Thathari e de Cagliari. Ei custos duos no an'apidu nudda ite narrere subra cust'abboju de carbonaros?

Ma it'est ana paura de esser denunziados pro reunione sediziosa?

Istademi ene, e affutidebonde, finzas chi sa limba sarda l'ana a contivizare goi, drommide sonnios tranquillos.

SIAMO IN BUONE MANI.

Saludos, a passare notte 'ona.

Battor moros mutzigos.

A mie mi paret chi custa cunferentzia assimizat pius a un'abboju de addetti ai lavori, che a unu servitziu pubblicu. Ite nde narades? Ma sa veridade ad a esser chi nemmancu issos bi creen, o chi sa limba sarda interessat solu a sos chentu personazos de sempre.

PS Nachi sa Regione si faghet finanziare dae s' Europa unu progettu digitale pro sa limba  de unu millione e ottighentos miza euros chi sunu guasi battor miliardos de francos betzos.
Amus a cherrer bider sos contos de custo s bellos dinaris.
Amus a bider, zente.